2011-ci il fevralın 24-də Xocalı soyqırımının 19-cu ildönümünə həsr olunmuş “Xocalı: bu günün və gələcəyin harayı” adlı azərbaycan və rus dillərində sərgi və slaydın təqdimatı keçirildi.

slayd az - YÜKLƏ
slayd rus - YÜKLƏ

2011-ci il fevralın 22-də Səbail rayon MKS-in Mərkəzi kitabxanasında görkəmli Azərbaycan yazıçısı və dramaturqu, Azərbaycan ədəbiyyatında “Molla Nəsrəddin” ədəbi məktəbinin banisi, “Molla Nəsrəddin” jurnalının naşiri və redaktoru Cəlil Məmmədquluzadənin anadan olmasının 142-ci ildönümü və Beynəlxalq Ana Dili Günü münasibətilə C.Məmmədquluzadənin və N.Nərimanovun ev-muzeylərinin birgə hazırladıqları “Cəlil Məmmədquluzadə yaradıcılığında ana dili və azərbaycançılıq” mövzusunda ədəbi məclis reallaşdırıldı.

C.Məmmədquluzadənin ev-muzeyinin direktoru P. Mahmudova  görkəmli ədibin  ana dilimizin təmizliyi uğrunda apardığı mübarizədən  bəhs edən məruzə ilə çıxış etdi. Muzeyin böyük elmi işçisi Y.Məmmədova, C.Məmmədquluzadə və ana dili”, N.Nərimanov xatirə muzeyinin elmi işçisi R.Qəhrəmanova “N.Nərimanov ana dilimizin keşiyində” adlı məruzələrlə çıxış etdilər. Ədəbi məclisdə “Azərbaycan ədəbiyyatı” qəzetinin məsul katibi A.İsmayılov,  150 saylı şəhər məktəbinin Azərbaycan dili və ədəbiyyatı müəllimi M.Babakişiyeva mövzu ilə bağlı maraqlı məlumatları tədbir iştirakçılarının diqqətinə çatdırdılar. Respublikanın əməkdar artisti Azad Şükürov böyük Mirzə Cəlilin xatirəsinə onun yaradıcılığından nümunələri təqdim etdi. Tədbirdə 150 saylı məktəbin şagirdləri C.Məmmədquluzadənin felyetonları əsasında hazırladıqları kiçik səhnəcikləri nümayiş etdirdilər. Həmçinin C.Məmmədquluzadənin ev-muzeyinin hazırladığı  “Cəlil Məmmədquluzadə-Molla Nəsrəddin” sənədli səyyar sərgisi, Səbail rayon MKS-in təşkil etdiyi “Sizi deyib gəlmişəm...”adlı kitab sərgisi, “Molla Nəsrəddin”çi şairlər” adlı slayd tədbir iştirakçılarına təqdim olundu.

Tıq-tıq xanım

Uşaqların sevimli yazıçısı A.Şaiqin anadan olmasının 130 illiyi münasibətilə hazırlanmış və uşaq kitabxanaları üçün nəzərdə tutulmuş tövsiyə vəsaiti.

YÜKLƏ

2011-ci il yanvarın 12-də “Miras” Mədəni İrsin Öyrənilməsinə Kömək İctimai Birliyinin “Azərbaycanda son orta əsr şəhər mədəniyyəti və orta əsr Ağsu şəhəri” mövzusunda Səbail rayon MKS-lə birgə seminarı keçirildi. Seminar Səbail rayon MKS-in Mərkəzi kitabxanasında gerçəkləşdirildi. Seminarın keçirilməsində əsas məqsəd Vətənimizin  qədim tarixi və zəngin mədəni irsi haqqında ictimaiyyətə məlumat vermək, Azərbaycanın tarixi və mədəniyyəti ilə bağlı dünyagörüşün hərtərəfli inkişafına, mədəniyyət ocaqlarına marağın artmasına kömək göstərmək, bu sahədə problemləri müəyyən etməkdir.

Seminar çərçivəsində  “Orta əsr Ağsu şəhərinin 3D görüntülü video-filmi, “Azərbaycan tarixi kitab səhifələrində” adlı kitab sərgisi nümayiş olundu. Tədbirdə mövzuya dair diskussiya aparıldı və fərqlənənlər “Ağsu şəhəri orta əsrlərdə” adlı kitab-albomu ilə mükafatlandırıldılar.

18 sentyabr 2010-cu ildə görkəmli bəstəkar Üzeyir Hacıbəylinin anadan olmasının 125 illiyi və “Milli Musiqi Günü” M. Qorki adına MSKF-də musiqi gecəsi ilə qeyd olundu. Gecənin qonaqları müxtəlif peşə sahibləri, tələbə və məktəblilər idi. Tədbirdə bəstəkarın yaradıcılığına nəzər salındı, nəğmə və romansları, instrumental pyesləri, “Leyli və Məcnun”operasından, “Arşın mal alan”, “O olmasın, bu olsun” musiqili komediyalarından parçalar səsləndi.

2010-cu il sentyabrın 15-də  M.Qorki adına Mərkəzi Səyyar Kitabxana Fondu 190 saylı  məktəbin birinciləri üçün “Bilik günü”nə həsr olunmuş  “Doğma məktəb” adlı tədbir keçirdi.
Tədbirdə təhsilli, bilikli, savadlı mütəxəssislərin yetişməsində, cəmiyyətə, dövlətə layiqli insanın tərbiyə olunmasında məktəbin böyük rolu olduğu bildirildi, bu bilik akademiyasına gedən yolun isə məhz kitablardan başlandığı göstərildi və həmin qiymətli xəzinənin kitabxanalarda toplandığı haqqında məlumat verildi. Uşaqlar üçün təşkil olunmuş rəngarəng kitab sərgisi maraqla qarşılandı. Sonda hədiyyə edilən kitablar birincilərin böyük sevincinə səbəb oldu.

2010-cu il avqustun 12-də M.Qorki adına MSKF-də “Beynəlxalq Gənclər Günü” münasibətilə “Azərbaycan gənclərinin cəmiyyətdə rolu” mövzusunda oxucu konfransı keçirildi.
Tədbirdə çıxış edənlər “Beynəlxalq Gənclər Günü”nün 1998-ci ildə təsis olunması və 2000-ci ildən başlayaraq bir çox dövlətlərdə, ocümlədən dünya birliyinin tamhüquqlu üzvü olan Azərbaycanda da “Beynəlxalq Gənclər Günü” kimi qeyd olumnasını şərtləndirən amilləri vurğulayaraq müstəqilliyimizin və dövlətçiliyimizin möhkəmləndirilməsi, etibarlı gələcəyimizin təmin edilməsinin gənclərin sosial-siyasi fəallığının yüksəldilməsindən asılı olduğunu diqqətə çatdırdılar.   

2010-cu il iyulun 13-də M.Qorki adına MSKF-də xalqımızın böyük şairi, görkəmli alim, pedaqoq və ictimai xadim Bəxtiyar Vahabzadənin 85 illik yubileyi qeyd olundu. Gecədə elm və sənət adamları, yazarlar, kitabxana işçiləri və poeziyasevərlər iştirak etdilər.
Tədbirdə çıxış edənlər şairin sənət dühasını yüksək qiymətləndirdilər və onun Azərbaycan poeziyasında silinməz bir iz qoyduğunu qeyd etdilər. Vurğulandı ki, azərbaycanlıların bütöv bir nəsli zəngin tarixə malik ədəbiyyatımızın ən yaxşı nümunələri ilə, o cümlədən güclü milli ruhla aşılanmış B.Vahabzadə poeziyası ilə böyüyüb formalaşmışdır. Hələ keçmiş sovet dövründə təqiblərdən qorxmayaraq yazdığı və gizli köçürülüb əldən-ələ gəzən məşhur “Gülüstan”, eləcə də “Yollar və oğullar” poemaları Azərbaycanın istiqlal savaşı iştirakçılarının haqlı olaraq dilinin əzbəri idi. Xalqın şairi üçün bu böyük məhəbbətdən daha yüksək mükafat təsəvvür etmək çətindir.
Gecədə şairin şeirləri və onun sözlərinə bəstələnmiş mahnılar səsləndi. Tədbirdə B.Vahabzadənin  həyat və yaradıcılığını əks etdirən kitab sərgisi nümayiş olundu. 

2 iyun 2010-cu ildə M.Qorki adına MSKF-də S.Ə.Şirvaninin 175 illik yubileyi münasibətilə təşkil olunan ədəbi-bədii gecədə şair və yazıçılar, kitabxananın oxucuları iştirak etdilər.
Şairin yaradıcılığı haqda qonaqlar, sənət adamları S.Ə, Şirvanınin gözəlliyi və təmiz məhəbbəti tərənnüm edən parlaq lirikasının, hakim və istismarçı təbəqələrə, mədəni geriliyin müxtəlif təzahürlərinə qarşı çevrilmiş kəskin satiralarının, vətənpərvərlik, xalqlar arasında dostluq, insana məhəbbət, xeyirxahlıq, vəfa, sədaqət kimi bəşəri hissləri təbliğ edən öyüd və nəsihətləri, hikmətamiz hekayələri və təmsillərinin Azərbaycan bədii təfəkkürünün inkişafında mühüm rol oynadığını qeyd etdilər.
Tədbirdə məktəblilərin ifasında şairin şeir və qəzəlləri səsləndi. Gecədə S.Ə.Şirvaninin həyat və yaradıcılığını əks etdirən kitab sərgisi nümayiş olundu.

25 may 2010-cu ildə M.Qorki adına MSKF-də “28 May – Respublika Günüdür” adlı Azərbaycanın istiqlaliyyət əldə etməsinin 92-ci ildönümü münasibətilə oxucu konfransı keçirildi. Oxucu konfransında kitabxananın fəal oxucuları, 190, 189, 150 saylı orta məktəblərin müəllim və şagirdləri  iştirak etdilər.
Məktəb şagirdlərinin fəallığı ilə keçən tədbirdə müstəqillik tariximizə qısa bir nəzər salındı və oxucuların sualları cavablandırıldı. “28 May – Respublika Günü” ilə əlaqədar təşkil olunan sərgi maraqla qarşılandı. Sərgidə Azərbaycan Respublikasının şanlı səhifəsini əks etdirən ədəbiyyat və dövri nəşrlər nümayiş olundu. Kitabxanaçılar sərgi haqda oxucuların rəy və təkliflərini öyrəndilər və onlara lazımi məsləhətlər verdilər. Tədbir iştirakçıları konfransda öyrəndikləri biliklərin təhsildə, gələcək fəaliyyətlərində dəyərli olduğunu söylədilər.

2010-cu il mayın 5-də M.Qorki adına MSKF-də ulu öndər Heydər Əliyevin anadan olmasının 87-ci ildönümü münasibətilə Səbail rayonu 189 saylı orta məktəbin müəllim və şagirdlərinin iştirakı ilə “Heydər Əliyev dühası əbədiyaşardır” adlı tədbir keçirildi.
Tədbirdə müasir Azərbaycan dövlətinin memarı H.Əliyevin şanlı həyat yolu, geniş fəaliyyəti, xalqımızın tarixində misilsiz və əvəzedilməz rolu haqda məktəblilərə məlumat verildi, müdrik dövlət xadiminin gənclərə göstərdiyi xüsusi diqqət və qayğıdan, onların fiziki və mənəvi cəhətdən sağlam, savadlı olmaları üçün gördüyü işlərdən danışıldı.
Tədbirdə çıxış edənlər gənclərin milli-vətənpərvərlik tərbiyəsinin yüksəlməsində H.Əliyevin xidmətlərini qeyd edərək, onların sağlam vətəndaş kimi böyüməsi, layiqli övlad kimi yetişməsinin ümummilli liderimizin arzusu olduğunu vurğuladılar, ulu öndərimizin iftixarla dediyi- “Mənim üçün ən əziz nemət Azərbaycan uşaqlarıdır. Çünki Azərbaycan Respublikasının prezidenti olaraq bu gün haqqında deyil, Azərbaycanın böyük gələcəyini düşünürəm. Azərbaycanın gələcəyi də uşaqlardan asılıdır” fikrini bir daha məktəblilərin diqqətinə çatdırdılar.
Azərbaycan Milli Mədəniyyətinın Müdafiəsi və Qorunması Fondunun sədr müavini Amaliya Rza qızı ümummilli liderlə bağlı xatirələrini danışdı. Tədbirdə  ulu öndərə həsr olunan mahnılar səsləndi, videogörüntülər nümayiş olundu. Rəhbərin həyat və fəaliyyətini əks etdirən foto-stend və kitab sərgisi tədbir iştirakçıları tərəfindən maraqla qarşılandı.

2010-cu il mayın 3-də M.Qorki adına MSKF-də dramaturq Ə.Haqverdiyevin 140 illik yubileyinə həsr olunan gecə keçirildi. Tədbirdə iştirak edən ədəbiyyatsevərlər ədibin həyatı və yaradıcılığı haqqında geniş və maraqlı məlumatlar əldə etdilər. Gecədə çıxış edən ədəbiyyat və teatr xadimləri  Ə. Haqverdiyevin Azərbaycan mədəniyyətinin inkişafındakı rolunu, onun maarifçilik və tərcüməçilik fəaliyyətini yüksək qiymətləndirərək yaradıcılığının bu günümüzlə bağlılığını xüsusi vurğuladılar.
Tədbirdə məktəblilərin ifasında yazıçının əsərlərindən parçalar səsləndi. Gecədə, həmçinin, dramaturqun həyat və yaradıcılığını əks etdirən kitab sərgisinin nümayişi oldu.

2010-cu il aprelin 24-də Böyük Vətən müharibəsində Qələbənin 65 illiyi ilə əlaqədar M.Qorki adına Mərkəzi Səyyar Kitabxana Fondu Səbail rayonu 189 saylı orta məktəblə birgə  müharibə veteranları ilə görüş keçirdi. Tədbirdə Böyük Vətən müharibəsi cəbhələrində öz igidlikləri ilə fərqlənmiş Səbail rayonu Veteranlar Şurasının üzvləri xatirələrini söylədilər. Görüşdə məktəbin yuxarı sinif şagirdlərinin ifasında müharibəyə həsr olunan şerilər və mahnılar səsləndi. Tədbirin sonunda “Azərbaycanın Böyük Vətən müharibəsində iştirakı” adlı sənədli filmin nümayişi oldu.
M.Qorki adına Mərkəzi Səyyar Kitabxana Fondunun əməkdaşları tərəfindən hazırlanan “9 May-Qələbənin 65 illiyi” adlı geniş kitab sərgisi və foto-stend tədbir iştirakçıları tərəfindən maraqla qarşılandı.

2010-cu il aprelin 14-də M.Qorki adına MSKF-də N.Nərimanovun 140 illik yubileyi münasibətilə ədəbi-bədii gecə keçirildi. Gecədə N.Nərimanovun həyat  yoluna, ədəbi fəaliyyətinə nəzər salındı, onun Azərbaycan xalqının tarixində, ədəbiyyatında göstərdiyi xidmətlər qeyd olundu.
Kitabxananın direktoru N.Ələkbərova N.Nərimanovun xalqımızın tarixinə görkəmli ictimai-siyasi xadim, maarifpərvər şəxs, yazıçı, publisist, həkim kimi daxil olduğunu vurğuladı.
Gecədə məktəblilərin  ifasında ədibin əsərlərindən parçalar səsləndi, dramlarından səhnələr canlandırıldı.
Tədbirdə N.Nərimanovun həyat və yaradıcılığını əks etdirən sərginın nümayişi oldu. Sərgidə N.Nərimanovun seçilmiş əsərləri, Elçinin “N.Nərimanov: Şəxsiyyəti və fəaliyyəti”, S.Əhmədovun “Azərbaycan tarixindən yüz şəxsiyyət”, T.Əhmədovun ”N.Nərimanovun dramaturgiyası”, “N.Nərimanovun yaradıcılıq yolu” və başqa tədqiqat əsərləri oxucuların diqqətinə çatdırıldı. Gecədə səslənən Azərbaycan xalq musiqi tədbirə xüsusi ovqat bəxş etdi.

Nasir, dramaturq Sabit Rəhmanın anadan olmasının 100 illiyi münasibətilə 2010-cu il aprelin 6-da M.Qorki adına MSKF-də kecirilən ədəbi-bədii gecəyə elm və sənət adamları, yazarlar, kitabxana işçiləri, dramaturqun yaradıcılığı ilə yaxından tanış olan teatr və kitab həvəskarları toplaşmışdılar.
Tədbirdə çıxış edənlər dramaturqun yaradıcılıq yolu haqqında dəyərli fikirlər söylədilər. Sənətkarın həyat və fəaliyyətinə nəzər salan alim və yazıçılar onun zəngin ədəbi irs qoyub getdiyini, bu irsin geniş tədqiqat mənbəyi kimi əhəmiyyət daşıdığını xüsusi vurğuladılar. Onlar Sabit Rəhmanı komediya banilərindən biri kimi qiymətləndirərək həmin janrın estetik tələblərinə cavab verən dramaturqun ilk əsəri olan “Toy” satirik komediyasında inkişafa, tərəqqiyə mane olan cəhətlərin, bürokratizm, lovğalıq kimi eybəcərliklərin Kərəmov surətində ümumiləşdirilməsini sənətkarın maraqlı bədii tapıntısı kimi dəyərləndirdilər, onun “Arşın mal alan”, “Koroğlu”, “Əhməd haradadır?” kinofilmlərinin ssenarisi, “Ulduz”, “Hicran” komediyalarının libretto müəllifi kimi uğurlu işindən söz açdılar.
Tədbirdə sənətkarın komediyalarından kiçik səhnələr oynanıldı və kinofilmlərdən parcalar göstərildi. Gecədə dramaturqun əsərlərindən ibarət kitab sərgisinin nüayişi oldu.

2010-cu il Martın 31-də M.Qorki adına MSKF-də 31 mart soyqırımının 92-ci ildönümü qeyd olundu. Kitabxananın direktoru N.Ələkbərova erməni millətçilərinin və onların havadarlarının azərbaycanlılara qarşı əsrlər boyu həyata keçirdikləri məqsədyönlü soyqırımı və deportasiya siyasətinin xalqımızın tarixinə ağrılı səhifələr kimi daxil olduğunu vurğulayaraq soydaşlarımızın başına gətirilən faciələr haqqında məlumat verdi. Qeyd olundu ki, ermənilər tərəfindən doğma torpaqlardan qovulmuş soydaşlarımızın insan hüquqları kütləvi şəkildə kobudcasına pozulmuş, onlar qeyri-insani rəftarla etnik təmizləməyə məruz qalmışlar.
Kitabxananın Azərbaycan ədəbiyyatı şöbəsinin müdiri R.Əliyeva 31 mart azərbaycanlıların soyqırımı hadisələrindən -1918-ci ildə Bakıda və Azərbaycanın müxtəlif bölgələrində törədilmiş kütləvi qətllər, talanlar və vandalizm aktları barədə danışdı və bu cinayətlərin səbəb və məqsədlərini açıqladı.
Tədbirdə uşaq və gənclərin çoxsaylı sualları cavablandırıldı. Həmçinin 31 mart azərbaycanlıların soyqırımının 92-ci ildönümünə həsr olunmuş “Azərbaycan xalqının faciəvi tarixi səhifələri” adlı kitab sərgisinin də açılışı oldu. Sərgidə erməni quldurlarının zaman-zaman azərbaycanlılara qarşı törətdikləri kütləvi qırğınlardan, soyqırımı və təcavüz siyasətinin mahiyyətindən, ümumiyyətlə, yağı düşmən tərəfindən xalqımızın başına gətirilən müsibətlərdən bəhs edən əsərlər öz əksini tapmışdı.

Martın 19-da M. Qorki adına MSKF-də Novruz şənliyi keçirildi. Kitabxanada əsl bayram əhval-ruhiyyəsi vardı. Novruz xonçası bəzədilmiş, süfrəyə yaşıl səmənilər düzülmüşdü. Hamının üzündə bayram sevinci hiss olunurdu. Kitabxananın direktoru Nüşabə Ələkbərova kollektiv üzvlərini və qonaqları bu əziz bayram münasibətilə təbrik etdi, onlara xoşbəxtlik, bahar təravətli həyat və gələcək işlərində müvəffəqiyyətlər arzuladı. Nüşabə xanım Novruz bayramı haqqında fikirlərini ifadərək dedi ki, Novruz sərhəd tanımayan, türkün bütün əzəli torpaqlarında məskunlaşmış, eyni soykökünə mənsub insanları sarsılmaz birliyə, bolluq və firavanlıq uğrunda birgə mübarizəyə səfərbər edən, onların milli-etnik dəyərlərini tarix boyu bütün incəliklərinə qədər qoruya-qoruya çağdaş dünyamızın qloballaşma meydanınadək gətirib çıxaran bəşəri bir bayramdır.

Ulu öndər Heydər Əliyev Novruz bayramını belə səciyyələndirib: -Novruz hər bir azərbaycanlının qəlbinin bayramıdır, hər bir insanın, ailənin bayramıdır, müstəqil Azərbaycan Respublikasının bayramıdır. Novruz dostluq, mehribanlıq, mərhəmət, mədəniyyət bayramıdır, xalqın qəhrəmanlığını, rəşadətini, şücaətini nümayiş etdirən bayramdır.”

Kitabxananın oxucusu Sabir Məmmədov Novruz ənənələrinin tarixi köklərindən söz acdı və maraqlı məlumatlarla tədbir iştirakçılarının bu bayram haqqında düşüncələrini daha da zənginləşdirdi.

Bayram şənliyində baharı vəsf edən şeirlər səsləndi. Hamı gözəl milli musiqimizdən zövq alaraq şənləndi.

Fevralın 26-da kitabxanada Xocalı faciəsinin qurbanlarını anma mərasimi keçirildi. Xocalıda həlak olmuş soydaşlarımızın xatirəsi yad edildi.

Tədbiri kitabxananın direktoru Nüşabə Ələkbərova açaraq 1992-ci il fevralın 25-dən 26-na keçən gecə ermənilərin 366-cı motoatıcı alayın köməyi ilə törətdikləri Xocalı faciəsi haqqında məlumat verdi. Ümummilli lider Heydər Əliyevin hakimiyyətə qayıdışından sonra Xocalı soyqırımına siyasi qiymət verildiyini vurğuladı.

Mərasimdə çıxış edən kitabxananın işçisi Nazilə İmranlı Xocalıda erməni qəsbkarlarının xüsusi amansızlıqla törətdikləri misli görünməmiş qanlı cinayətdən, köməksiz, əliyalın  insanlara divan tutulmasından və şəhəri müdafiə edərək qəhrəmanlıqla həlak olmuş xocalılardan söz açdı. Sonra “Xocalı soyqırımı-əsrin faciəsidir” adlı sərgiyə baxış oldu. Sərgidə faciəyə həsr olunmuş kitab, jurnal və qəzet materialları nümayiş etdirildi.                            

Yanvarın 19-da M.Qorki adına MSKF-də 20 Yanvar faciəsinin 20-ci ildönümü qeyd olundu, şəhidlərimizin xatirəsi ehtiramla yad edildi. Kollektivin bütün üzvləri “Şəhidlər xiyabanaı”nı ziyarət etdilər, şəhid qəbirləri üzərinə qırmızı qərənfillər qoydular.

2009-cu il oktyabrın 27-də M.Qorki adına Mərkəzi Səyyar Kitabxana Fondunda 2009-cu ilin Azərbaycanda “Uşaq İli” elan edilməsi ilə əlaqədar Bakı Şəhər Mədəniyyət və Turizm İdarəsi tərəfindən kitabxanalarda ən fəal oxucuların müəyyən olunması  məqsədilə keçirilən  “Kitabla dost ol, ən fəal oxucu ol!” müsabiqəsi  qaliblərinin mükafatlandırılmasına həsr olunan tədbir həyata keçirilib.   
Tədbirdə Mədəniyyət və Turizm Nazirliyinin, Bakı Şəhər İcra Hakimiyyətinin, Bakı Şəhər Mədəniyyət və Turizm İdarəsinin nümayəndələri, yazıçı və şairlərdən İlyas Tapdıq, Natiq Rəsulzadə, Gülzar İbrahimova, Gülarə Munis, professor Gülrux Əlibəyli, hərb tariximizin tədqiqatçısı, jurnalist Şəmistan Nəzirli və başqa görkəmli elm və sənət adamları iştirak ediblər. Tədbirdə M.Seyidzadə adına kitabxana-kitabsatışı  mağazası, “Kitab klubu” və “Beşik” nəşriyyatının təşkil etdiyi  kitab sərgisinin nümayişi oldu.

Tədbiri kitabxananın direktoru Nüşabə Ələkbərova açaraq tədbir iştirakçılarını salamladı: “Hörmətli qonaqlar! Bildiyiniz kimi, ölkə başçısı cənab İlham Əliyevin  sərəncamı ilə 2009-cu il Azərbaycanda  “Uşaq İli” elan edilib. Bununla bağlı ölkəmizin hər yerində bir-birindən maraqlı, rəngarəng tədbirlər gerçəkləşdirilir. Bakı Şəhər Mədəniyyət və Turizm İdarəsi tərəfindən  “Uşaq İli”nin maraqlı və yaddaqalan  olması üçün geniş tədbirlər planı hazırlanıb və həmin tədbirlər ardıcıl olaraq həyata keçirilir. Bu işdə kitabxanalar da yaxından iştirak edirlər. Kitabxanalarda ən fəal oxucuların müəyyən olunması məqsədilə keçirilən “Kitabla dost ol, ən fəal oxucu ol!” müsabiqəsinin nəticələri çox uğurlu olub.

Bu müsabiqənin keçirilməsində başlıca məqsəd kitaba, mütaliəyə, kitabxanalara marağı artırmaq, uşaqların şəxsiyyət kimi formalaşmasında kitabın, kitabxanaların nə qədər əhəmiyyətli rol oynadığını bir daha diqqətə çatdırmaqdır.”

Tədbirdə Mədəniyyət və Turizm Nazirliyinin kitabxana  sektorunun müdiri, tarix elmləri namizədi, dosent Lətifə Məmmədova çıxış edərək dedi:” Kitabxana insanların informasiya təlabatını ödəmək üçün dünya   biliklərinə açılan pəncərə, mədəni dəyərlərin mühafizəsini təmin edən və nəsillərdən-nəsillərə çatdıran bir elm müəssisəsidir. Kitabxana bitib-tükənməyən, hesaba gəlməyən informasiya sərvətini özündə cəmləşdirməklə yanaşı, insanların məlumat bazasının zənginləşdirilməsinə və elmi dünyagörüşünün kamilləşməsinə, cəmiyyətin maariflənməsinə xidmət göstərir.

Bu vacib sahənin daha da inkişaf etdirilməsi dövlətimizin qarşıya qoydugu  prioritet məsələlərdən biridir. Bu gün kitabxanalara dövlət tərəfindən xüsusi diqqət və qayğı ilə yanaşılır. 1999-cu ildə quvvəyə minmiş “Kitabxana işi haqqında”  Azərbaycan Respublikasının Qanunu, Azərbaycan Respublikasının Prezidenti cənab İlham Əliyevin imzaladığı 2004-cü il  12 yanvar tarixli  “Azərbaycan dilində latın qrafikası ilə kütləvi nəşrlərin həyata keçirilməsi haqqında”, 2004-cü il 27 dekabr tarixli “2005/2006-cı illərdə Azərbaycan dilində latın qrafikası ilə çapı nəzərdə tutulan əsərlərin siyahısının təsdiq edilməsi haqqında” sərəncamları və 6 oktyabr 2008-ci il tarixli “Azərbaycan Respublikasında kitabxana-informasiya sahəsinin  2008-2013-cü illərdə inkışafı üzrə Dövlət Proqramı” nın təsdiq edilməsi barədə sərəncamı- kitabxana işinin inkişafında yeni bir mərhələyə başlanğıc verən bu mühüm sənəd ölkə Prezidentinin bütövlükdə mədəniyyətə və mədəni dəyərlərimizə diqqət və qayğısının bariz nümunəsidir”.

Tədbirdə  Bakı Şəhər Mədəniyyət və Turizm İdarəsinin rəisi Əlikram Əliyev  müsabiqə haqda ətraflı məlumat verdi. O, kitabın, mütaliənin kitabxananın insan həyatındakı əhəmiyyətini xüsusi vurğuladı. Kitaba, kitabxanalara marağın artırılması istiqamətində aparılan işlərin gələcəkdə də davam etdiriləcəyinə  uşaqları bir daha  əmin etdi.

 Sonra müsabiqənin qalibləri fəxri fərman və hədiyyələrlə mükafatlandırıldılar.

Tədbir yazıçı və şairlərin, nəşriyyat işçılərinin çıxışları ilə davam etdi. Söz müsabiqənin qalibi Elnur Əliyevə verildi. Onun pafosla söylədiyi Cabir Novruzun “Sevin  Azərbaycanı!” seiri alqışlarla qarşılandı.

Son olaraq N.Ələkbərova bir daha qalibləri təbrik etdi və tədbir  iştirakçılarına öz  təşəkkürünü bildirir.

Bakı şəhər  Mədəniyyət və Turizm İdarəsinin 2008-ci ildə müxtəlif nominasiyalar üzrə kecirdiyi müsabiqədə M.Qorki adına MSKF Bakı şəhər kitabxanaları içərisində  ən fəal kitabxana, işindəki fəaliyyətinə görə kitabxananın əməkdaşı R.Əliyeva isə ən yaxşı mədəni-maarif işçisi kimi  diplomlara layiq görülmüşlər.

26  sentyabr  2008-ci  ildə  Bakı  Şəhər  Mədəniyyət  və  Turizm  İdarəsinin təşəbbüsü və M.Qorki adına MSKF-nin iştirakı ilə görkəmli dramaturq, əməkdar incəsənət xadimi Rəhman Əlizadənin “Komediyalar” kitabının təqdimatı “Aktyor evi”ndə təşkil edildi. Tədbirdə cıxış edənlər kitabın nəşri münasibətilə yazıçını təbrik edib ona  yeni sənət uğurları arzuladılar. Tədbir yaradıcı insanların dramaturq haqqında çıxışları ilə davam etdi.

Sonra dramaturqa söz verildi. Sənətkar bu tədbirin  təşkilinə görə Bakı şəhər Mədəniyyət və Turizm İdarəsinə, M.Qorki adına MSKF-nin rəhbərliyinə və kollektivinə dərin təşəkkürünü bildirdi. Rəsmi hissə başa çatdıqdan sonra dramaturqun

“Dünyanın axırı” pyesinin tamaşası oldu. Stendlərdə  yazıçının səhnəyə qoyulan tamaşalarına hazırlanmış afişaların sərgisi nümayiş etdirildi.

12 noyabrda  kitabxanada  “Konstitusiya Günü”nə  həsr olunmuş  “H.Əliyev Azərbaycan Konstitusiyasının memarıdır” mövzusunda tədbir keçirildi. Tədbir Azərbaycan Respulikasının möhtəşəm Himninin sədaları ilə açıldı. Məruzəçilər müstəqil Azərbaycanın Konstitusiysının yaradılmasında və qəbul edilməsində ulu öndərin xidmətlərindən danışdılar. Tədbirin sonunda Ü. Hacıbəyovun “Koroğlu”operasından uvertüra səsləndi. Böyük bəstəkarın əzəmətli musiqisi qəlbləri qürur hissi ilə doldurdu.

2008-ci ildə görkəmli ədib, alim, pedaqoq Mir Cəlal Paşayevin  100 illiyi YUNESKO səviyyəsində qeyd olundu.

XX əsr Azərbaycan ədəbiyyatında, elmində müstəsna xidmətlər göstərən M.C.Paşayevin  100 illiyinin YUNESKO səviyyəsində qeyd olunması, ilk növbədə, Azərbaycan elminə, mədəniyyətinə və ədəbiyyatına dünya miqyasında verilən önəmin və dəyərin daha bir nümunəsidir.

Noyabrın 18-də M.Qorki adına Mərkəzi Səyyar Kitabxana Fondunda görkəmli yazıçının 100 illik yubileyi münasibətilə ədəbi-bədii gecə keçirildi. Tədbirdə çıxış edənlər M.C.Paşayevin yaradıcılığı və onun Azərbaycan ədəbiyyatındakı rolundan  söz açdılar. Məktəbli ədəbiyyatsevərlər  yazıçının ayrı-ayrı əsərlərindən parçalar ifa etdilər.

Yazıçının həyat və yaradıcılığını əks etdirən foto-stend və kitab sərgisi maraqla qarşılandı.

2008-ci ildə Azərbaycan ədəbiyyatının görkəmli nümayəndələrindən biri, şair Mikayıl Müşfiqin 100 yaşı tamam oldu.

Dekabrın 5-də Bakı Şəhər Mədəniyyət və Turizm İdarəsinin dəstəyi ilə M.Qorki adına Mərkəzi Səyyar Kitabxana Fondunda şairin yubileyinə həsr olunmuş ədəbi-bədii gecə keçirildi.

Gecədə görkəmli elm və incəsənət xadimlərinin çıxışları, şair və musiqiçilərin ifasında səslənən seirlər və mahnılar  sənətkarın əziz xatirəsinə bir töhfə oldu.